Motsegn - Reguleringsplan for småbåthamn på gnr. 96, bnr. 2 m. fl. i Gjersvika,
Tysnes kommune.
Vi viser til dykkar brev datert 29. juni 2009 i samband med offentleg høyringa av planforslag
for Gjersvika i Tysnes kommune.
Fylkesmannen si rolle i planprosessar etter plan- og bygningslova er å formidle nasjonal
areal- og miljøpolitikk, og sjå til at denne politikken vert ivareteken i planarbeidet. Nasjonal
areal- og miljøpolitikk går i hovudsak fram av St.meld. nr. 26 (2006-2007) Regjeringens
miljøvernpolitikk og rikets miljøtilstand.
Føremålet med planarbeidet er å regulera det aktuelle området til småbåthamn med plass til
100 båtar, tilhøyrande parkeringsplass og veganlegg, landbruksbygg og servicebygg, i tillegg
til fleire naust. Det er òg planlagd ei offentleg badestrand. Det er lagt opp til utfylling i
forbindelse med tilkomstveg og kaianlegg.
I gjeldande kommuneplan ligg reguleringsområdet med føremål LNF-område på land og
fleirbruksområde for ferdsel, fiske, natur og friluftsliv i sjø.
Planframlegget legg opp til eit stort inngrep i strandsona og i sjø, og er i strid med
kommuneplanen. Kommunen si vurdering legg vekt på at det berørte området er lite i høve til
det området som enkeltsaker for naust, båtfeste og flytebrygger har og vil bandlegga framover
i Våge-området.
Fylkesmannen uttalte i svar på oppstartsmelding datert 16.04.09 at:
”Lokalisering av nye småbåthamner bør etter fylkesmannen sitt syn avklarast i samband med
rulleringa av kommuneplanen. Slik kan alternative plasseringar verte vurdert og ein kan
arbeide for å unngå konfliktfylte område. Fylkesmannen rår difor frå vidare arbeid med
denne reguleringsplanen”.
Fylkesmannen har i tillegg vore på synfaring 22.10.08. Fylkesmannen gav her uttrykk for at
ein ser behovet for ei båthamn i tilknyting til Våge, men at ulike alternativ må vurderast
grundig og at ei utbygging må vera underlagt nasjonale og regionale føringar for aeralpolitikk.
Plasseringa av båthamna er i strid med overordna plan, og er i strid med dei strenge nasjonale
føringane for å bygging i strandsona. Tidlegare og nåverande regjering har skjerpa inn
arealpolitikken på dette området. Utbygging i strandsona skal som hovudregel vera i samsvar
med overordna plan og ta omsyn til landskap, natur og friluftsliv. Ved etablering av ei så stor
båthamn er det viktig at det vert utvist varsemd i høve til landskap ved lokalisering av veg og
parkeringsplass, kaianlegg og båthamn.
2
Fylkesmannen meiner at planframlegget ikkje har utvist varsemd i høve til strandsone eller
landskap. Hønsaholmen har i dag ingen inngrep. Planframlegget legg opp til at store delar av
Hønsaholmen skal nyttast til kaianlegg, parkeringsplass og servicebygg. Det skal i tillegg
byggast ein tilkomstveg for bil ut til holmen, som vil medføre ei større utfylling enn det som
er ståa i dag. Hovudformålet med etablering av småbåthamnar er å redusera presset på
strandsona. Vi er difor kritisk til at det vert regulert inn nye naust i planframlegget.
Lokalisering av ei småbåthamn bør vurderast ut frå fleire alternativ før ein tek stilling til
endeleg plassering. Denne vurderinga bør hovudsakleg vera utført i kommuneplanen. Dei
ulike alternativa er kort vurdert i planframlegget. Fylkesmannen meiner at vurderinga av dei
ulike alternativa er kort og ufullstendig. Det vert ikkje vurdert ulike løysingar i høve til
størrelse på båthamn, og det er ikkje utførd noko landskapsanalyse av dei mest høvelege
alternativa.
Fylkesmannen ser at det er trong for ei småbåthamn i tilknyting til Våge. Lokalisering av ei
båthamn av den størrelsen som planframlegget legg opp til bør avklarast i kommuneplanen
for å fange opp dei ulike omsyna som er viktig for utvikling av kommunen og forvaltning av
arealressursane.
På denne bakgrunnen fremjar fylkesmannen motsegn mot planframlegget.
Med helsing
Svein Alsaker Kjell Kvingedal
fylkesmann fung. fylkesmiljøvernsjef