Tysnes Båthamn

Referat frå årsmøte i Tysnes Båthamn

mai 13th, 2010

Referat frå årsmøte i Tysnes Båthamn.

Stad: Kantine Tysnes Kraftlag.

Tid: 21.02.10 kl. 18.00

Saksliste:

1. Godkjenning av innkalling og saksliste

Egil Lande sakna revidert rekneskap i forkant av årsmøtet. Og kom med ytring om at punkt 9 ”endring av vedtekter” ikkje kunne gjennomførast utan at endringane var sendt til medlemmane i forkant.

Dette vart tatt til følge , og punkt 9 vart tatt bort frå sakslista.

2. Val av møteleiar

Lars Enes

3. Val av skrivar

Terje Sløgedal

4. Val av to til å skrive under møtereferat

Egil Lande og Svein Økland

5. Årsmelding

Lars Enes las opp årsmeldinga.

Ingen kommentarar.

6. Rekneskap

Olav Andersen gjekk gjennom rekneskapet.
Kommentar på tilbakebetaling av innbetalt avgift.

Årsak: det er 6 personar som har fått tilbakebetalt oppstartavgiften på 1000,- Desse personane meldte seg ut før Tysnes Båthamn vart oppretta. Det vert ikkje utbetalt fleire slike avgifter.

Ingen fleire kommentarar.

Rekneskapet er revidert og godkjend

7. Val av styre

Styremedlem: Atle Teigland valgt for 2. år

Styremedlem: Bjørn Lande valgt for 2. år

Vara representant: Terje Sløgedal valgt for 1.år

Vara representant: Kenneth Fagerbakk valgt for 1. år

Revisor: Bjarte Erstad

Vara: Arild Pettersen

Valnemnd for 2011

Lars Petter Epland og Kjell Brekke.

8. Val av leiar

Leiar: Lars Enes valgt for 1.år

9. Endring av vedtekter

Utgår

10. Budsjett for 2010

Olav Andersen hadde lagt opp til to moglege budsjett. Eit med utbygging av anlegg, og eit utan. Slik situasjonen er no, er det lite truleg at det vert utbygging av anlegget i 2010. Årsmøtet vedtok dermed budsjettet utan utbygging. Dette inneber kun betaling av kontigent på 200,- pr. båtplass.

Det vert kalla inn til ekstra ordinert årsmøte om situasjonen skulle forandre seg, slik at utbygging kan setjast i gong.

Årsmøtet oppmodar styret på det sterkaste å fortsetje arbeidet mot fylkesmannen, slik at båthamna kan bli ein realitet for dei over 70 medlemmane som ynskjer seg båtplass.

Referent:

Terje Sløgedal

Status for arbeid med småbåthamn i Gjersvika

mai 13th, 2010

Status for arbeid med småbåthamn i Gjersvika : Tysnes Båthamn. Mai 2010.

Styret i Tysnes Båthamn har framleis god tru på ei realisering av småbåthamn ved Gjerstadneset. Trass i at Fylkesmannen opprettheld motsegna etter meklingsmøtet 16.02.10.

Denne oppfatninga gav og ordførar og teknisk sjef utrykk for i møte 21.04.10. Der ein drøfta vegen vidare for Tysnes Båthamn. Reguleringsplanen slik han ligg går rett inn planprogrammet for ny arealdel til kommuneplanen. Arbeidet med denne er no starta opp. Og det er halde bygdevise møte. På møte i Våge 26.04.10 vart behovet for småbåthamnar særleg drøfta , og planen til Tysnes båthamn omtala som løysing for Våge, eit prosjekt som lyt koma til realisering. Tysnes kommune lyt i den samanhang gjera ei konsekvensutgreiing.

Som del av ein overordna plan i Tysnes, vil båthamna stå sterkt og vera vanskeleg for fylket å argumentera mot. Meklinga den 16.02 og konklusjonen derifrå er meir å sjå som ei falitterklæring for Fylkesmannen si evne til å skilja mellom tiltak i strandsona. Ein klarar ikkje å skilja mellom gode og dårlege prosjekt i strandsona. Alt er like gale. Men ein kjem ikkje utanom å nytta areal i strandsona for å få på plass småbåthamn i Våge. Det er gong på gong peika på kor viktig dette er for å gjera Tysnes attraktiv som bustadkommune. Då kan ein ikkje berre sjå på strandsona med skylappar slik fylkesmannen no gjer. Arealet er sjekka ut for kulturminne både på land og i sjø, og klarert. Slik me ser det er det berre spørsmål om kva tid planen for småbåthamn vert godkjend. Ny arealplan for Tysnes kommune skal etter planen vedtakast i juni 2011. Me vonar likevel å kunna køyra paralellt slik at me kjem i gong tidleg i 2011. Dette forutset at og Tysnes kommune gjer sin jobb.

På heimesida vår finn du og referat frå meklingsmøte med Fylkesmannen, årsmøtereferat og referat frå styremøte i april 2010. Samt artikkel i Bladet Tysnes i samband med meklingsmøtet.

Styret for Tysnes Båthamn