Tysnes båthamn har i 2010 hatt 4 styremøte samt årsmøte 21.02.10
Styret har i 2010 , vore samansett slik:
Lars Enes leiar
Atle Teigland nestleiar
Olav Andersen kasserar
Arne Leite skrivar
Bjørn Lande styremedlem
Terje Sløgedal varamedlem
Kenneth Fagerbakk varamedlem
Etter eit aktivt år i 2009 der reguleringsplan vart utarbeidd , lagt fram og motsegn fremja frå fylkesmannen, har 2010 stort sett gå med til å venta. Venta på meklingsmøte som vart halde 16.02.10. Møtet og konklusjonen derifrå var ei falitterklæring for fylkesmannen si evne til å skilja mellom tiltak i strandsona. Alt er like gale. Ein kjem likevel ikkje utanom å nytta areal i strandsona for å få på plass ei småbåthamn i Vågeområde. Einaste argumentet fylkesmannen stod att med var overordna arealplan for kommunen. Etter at styret i Tysnes båthamn i samråd med kommunen valde å ikkje gå vidare til departementet etter meklinga, var det å venta igjen.
No ventar me på rullering av arealplanen som skal vera ferdig til sommaren 2011.
Den ferdige reguleringsplanen for småbåthamn i Gjersvika vil gå rett inn i den overordna arealplanen. Me vart førespegla eit møte mellom Tysnes kommune og fylkesmannen i løpet av hausten 2010. Eit møte der Tysnes sine arealdisponeringar skulle verta presentert. Dette møte vart utsett grunna tidkrevande arbeid med siling av innspel, i arbeidsgruppa for arealplanen. Tysnes båthamn sende den 03.12.10 brev til Tysnes kommune der ein etterlyste framdriftsplan for arbeidet med kommuneplanen. Møtet mellom Tysnes kommune representert ved administrasjon, plangruppa som hovudsakleg består av formannskapet, og representantar for fylkesmannen fann først stad 15.02.11. Møtet var i all hovudsak positivt.
Tilbakemeldingane frå ordførar , plansjef og medlemer av plangruppa er eintydige på at fylkesmannen er positiv til plasseringa av båthamna i den overordna planen slik det er lagt opp til. Plansjef Asle Bernt Rekve held dialog med plankoordinator Eva Katrine Taule hjå fylkesmannen med tanke på kvar i prosessen ein kan starta det vidare løpet med planen vår.
Det einaste positive ein kan sei om den låge aktivitetetn i 2010 , er at utgiftene har vore tilsvarande låge. Det vart kravd inn medlemsavgift i juni 2010 . Pr 31.12.10 har Tysnes båthamn 62 medlemer som har tinga 69 båtplassar
Tysnes 02.03.11
Styret for Tysnes Båthamn
Lars Enes